Concerto Didáctico de Música Tradicional Galega

  Este mércores 18 de decembro o alumnado de 4º de Educación Primaria gozou dun Concerto Didáctico de Música Tradicional Galega.

  O concerto realizouno o Grupo de Música Tradicional da Consellería de Cultura, organizado  polo Centro Coreográfico Galego, adscrito á Agadic (Axencia Galega das Industrias Culturais) e pertencente á Consellería de Cultura e Turismo de Galicia.

  Os músicos tocaron unhas pezas que fixeron bailar ao público presente. Tamén nos presentaron os distintos instrumentos que soaron.

  Nenas e nenos quedaron encantandas e encantados co concerto.

  Premendo na imaxe podedes ver como foi esta actividade.

 

E as postais ganadoras son ...

   Xa temos expostas as postais finalistas do Concurso de Postais de Nadal.

   Entre todas elas foi difícil elixir as ganadoras.

   Estas son as postais ganadoras por niveis:

   4º E.I.: Xoel Santás Prego

   5º E.I.: Emma Cabado Santoalla

   6º E.I.: Fátima Penedo Gaspar

   1º E.P.: Nerea Cardama Vázquez

   2º E.P.: Claudia Suárez López

   3º E.P.: Iria García Puga

   4º E.P.: David Rey Vilares

   5º E.P.: Renée Avendaño Pérez

   6º E.P.: Icía Ares Betanzos

   E de todas elas escollemos a de Icía Ares para felicitar as festas a toda a comunidade educativa.

   Boas Festas!!

Concurso de Postais de Nadal

  Un ano máis o EDLG convoca o Concurso de Postais de Nadal.

  Xa está todo o alumnado creando postais do Nadal para elixir unha para felicitar as festas a toda a comunidade educativa.

  De momento, imos mostrarvos a postal do ano pasado, feita por Lucía Carabel de 6ºA de Educación Primaria.

  Nos vindeiros días iremos publicando as postais gañadoras do Concurso.

Como cambian os tempos!

 O mércores 20 de novembro o alumnado de 6º de Educación Primaria participou dunha charla - coloquio sobre como era a Galicia dos anos 60 e os cambios que se foron producindo. 

 A charla realizouna a Asociación Cultural "Tempo Novo" de Elviña - Castro, en colaboración coa Mesa pola Normalización Lingüística e cos Equipos de Dinamización.

Celebramos o Magosto

 Este venres 15 celebramos no CEIP María Pita o noso Magosto.

 Toda a comunidade educativa participou para poder comer unhas castañas, ver ao castañeiro asando e bailar coa música da Asociación Cultural Malante.

 Grazas a todos/as pola vosa colaboración!!

 Premede na imaxe para ver as fotos da festa!

 

É tempo de Magosto!!

Toda a comunidade educativa do CEIP María Pita está preparando a celebración do Magosto.

 Será o vindeiro venres 15 de novembro.

Para gozar desta data tan especial temos que construir nas nosas casas este trebello. É moi doado!! 

Precisamos dous envases de zume, leite, etc. cortados pola metade. Grampámolos e decorámolos ao noso gusto. So queda poñer un cordón de la para poder colgalo do pescozo. Nun envase botaremos as castañas e noutro botaremos as pelas. Así teremos as mans ben libres para COMER MOITAS CASTAÑAS e de paso non ensuciamos o chan!! Se premedes na imaxe poderedes ver o proceso:

Samaín 2019

   No CEIP María Pita celebramos o Samaín enchendo o cole de cabazas moi ben decoradas.

Premede na imaxe para ver a exposición que fixemos.

Mirade que curtas máis chulas...

É tempo de Samaín e queremos que vos divirtades.  Recompilamos unhas curtas para que vexades estes días:

 Fiz, o coleccionista de medos

A bruxa regañadentes

Os difuntos falaban castelao

 

Xa chega o Samaín!

 Para celebrar o Samaín o alumnado do cole vai facer as cabazas máis arrepiantes nunca vistas.

 Imos repartir a seguinte circular para que leven as súas casas.

 Cando teñamos a exposición de cabazas feita na entrada do cole poñeremos fotos de todas elas.

Este ano o cine é o protagonista

Este curso no Proxecto Documental Integrado (PDI) as nenas e nenos do cole investigarán sobre o cine.

  

Xa está o Equipo de Biblioteca mans á obra e seguro que vai propoñernos actividades moi divertidas. 

Dámosvos a benvida ao noso blog !!

Queremos darvos a benvida ao blog do Equipo de Dinamización da Lingua Galega do CEIP María Pita.
A través del pretendemos contribuír á divulgación da nosa lingua na comunidade educativa.  Iremos mostrando as actividades que fagamos no cole ao longo do curso.

Animámosvos a participar a través dos vosos comentarios!!