Relatos de Nadal

  A derradeira actividade proposta polo EDLG para este trimestre foi a de Relatos de Nadal.

  Participou o alumnado de 4º, 5º e 6º de Educación Primaria.

  Escollemos algúns como exemplo do bo traballo feito por eles.

 

 

 

 

 

 

 

Postais Gañadoras do Concurso de Nadal

  Estas son as postais gañadoras do Concurso de Nadal.
         

  As gañadoras e gañadores por niveis son:

  4º Ed.Infantil: Carlos Allende Álvarez

 

              5º Ed.Infantil: Haron Talhi

               6º Ed.Infantil: Sofía Cebey Dias

                1º Ed.Primaria: Maira García Senín

               2º Ed.Primaria: Hugo Souto Varela

                  

              3º Ed.Primaria: Lucía Varela Rodríguez

 

               4º Ed.Primaria: Lorien Calles Naya

 

               5º Ed.Primaria: Paola Rey Berti

 

               6º Ed.Primaria: Claudia Varela Barreira

 

 

 E de todas elas escollemos a de Paola Rey de 5ºD de Primaria para felicitar as festas a toda a comunidade educativa.

   Boas Festas!!

Postais Finalistas do Concurso de Nadal

  Xa temos expostas as postais finalistas do Concurso de Postais de Nadal. 

  Entre todas elas foi difícil elixir as gañadoras. Para a vindeira semana publicamos as postais gañadoras do concurso.

Concerto Didáctico

  Esta semana o alumnado de 6º de Primaria participou nun concerto didáctico organizado polo Departamento de Educación do Concello da Coruña.

  Trátase dun concerto didáctico impartido por Rosa Sánchez e Pablo Carpintero no que presentan a historia dalgúns aspectos da evolución musical da humanidade contada a través da vida e desenvolvemento musical dunha nena e dun neno galegos na nosa sociedade tradicional.

 No concerto empréganse 43 instrumentos musicais tradicionais galegos diferentes e explícase a teoría da orixe infantil dos instrumentos musicais humanos.

 

Concurso de Postais de Nadal

  Un ano máis o EDLG convoca o Concurso de Postais de Nadal.

  Xa está todo o alumnado creando postais do Nadal para elixir unha para felicitar as festas a toda a comunidade educativa.

  De momento, imos mostrarvos as postais finalistas do curso pasado.

  Nos vindeiros días iremos publicando as postais gañadoras do Concurso.

 

Actividades do Magosto

   Xa rematamos a semana dedicada ao Magosto no cole.

  Montamos o seguinte vídeo para que vexades algunhas das actividades que fixo o alumnado nesta semana.

 

Magosto no CEIP María Pita

  Esta semana o alumnado fará nas aulas manualidades relacionadas co Magosto.

  Faremos fotos de todas elas para que as podades ver no blog.

  Para animar a espera premede na imaxe para escoitar a "Canción do señor Castañón".

Ano Internacional das Froitas e Hortalizas

  A ONU declarou o ano 2021 como o Ano Internacional das Froitas e Hortalizas.

  Desde o Equipo da Biblioteca propoñen este tema como Proxecto Escolar para este curso.

  Xa están na biblio mans á obra e seguro que van propoñernos actividades moi divertidas.

Samaín en 2º de Ed. Primaria

   As nenas e nenos de 2º de Ed. Primaria mandáronnos este vídeo para que vexamos como celebraron o Samaín.

  Grazas por compartilo!

 

Samaín en Educación Infantil

   O alumnado de Educacion Infantil celebrou o Samaín elaborando manualidades relacionadas coa conmemoración.

   Neste vídeo podedes ver algunhas delas.

Actividades para o Samaín

   Unha mestra preparou esta compilación de actividades sobre o Samaín.

   Hai música, vídeos, xogos...

   Preme na imaxe para comezar.

 

Música para o Samaín

  Seguimos co Samaín. 

  Premede nas imaxes e a cantar!!

Curtas para o Samaín

 Xa chega o Samaín e queremos que vos divirtades.  

Recompilamos unhas curtas para que vexades estes días. 

Premede nas imaxes.

 Fiz, o coleccionista de medos

A bruxa regañadentes

Os difuntos falaban castelao

 

Refráns do Outono de 3ºB de Ed. Primaria

   O alumnado de 3ºB realizou estes traballos sobre refráns do Outono.

   Moitas grazas por compartilos!

 

 

Refráns do Outono de 4ºA de Ed. Primaria

  O alumnado de 4ºA recompilou refráns do Outono e tamén fixo uns debuxos sobre eles.

  Gran traballo que queren compartir. 

  Parabéns! 

 

  Estes son algúns dos refráns que nos mandaron:

 

 

  E mirade que debuxos máis chulos fixeron sobre os refráns:

 

 

 

 

Homenaxe a Quino, Mafalda e ao noso Manoliño

   Hoxe queremos recordar ao gran Quino, creador das historias de Mafalda. 

   Premede na imaxe para ler o artigo "Sete palabras para Mafalda", do Portal das Palabras da RAG.

  

  

Onte comezou o Outono

 Pois xa estamos no Outono e queremos compartir convosco uns refráns:

 - "Temperá é a castaña que por setembro regaña"

 -"Se en setembro comeza a chover, outono seguro é"

 -"Por San Martiño, trompos ao camiño"

 -"Por San Martiño, tápase o viño"

 

 Se queredes compartir outros refráns podedes deixalos nos comentarios ou mandalos ao correo do EDLG e publicaremos no blog todos os que recibamos.

 O correo é: edlgmariapita@gmail.com

 

 

Comezamos o curso 2020 - 2021!!

   Xa estamos de volta!

  Benvidas e benvidos ao curso 2020 - 2021. 

  O EDLG xa está preparando as novas actividades para este curso, estade atentas e atentos ao blog...

 

 

Remata o curso!!

  Hoxe remata o curso escolar para o noso alumnado.

  Dende o E.D.L.G. queremos darlle as grazas a toda a comunidade educativa pola súa partipación e colaboración nas actividades que propuxemos este curso.

  Parabéns ás nenas e nenos e ás familias polo traballo feito este curso "diferente".

  Vémonos en setembro, bo verán rapazada!!

Carteis de cine

  Imos coa derradeira actividade deste curso, os carteis de cine.

  Como xa sabedes, este curso o Proxecto da Biblioteca ten como temática o cine.

  Pois o alumnado de cuarto de Primaria elaborou carteis das pelis que máis lle gusta pero modificando ao seu gusto os títulos.

  Mirade que orixinais!!

Actualizamos o álbum das Letras Galegas!

  Para rematar a semana queremos actualizar o álbum coas imaxes de todos os traballos que nos chegaron estes días.

  A distancia non foi impedimento para celebrar o Día das Letras Galegas.

  Parabéns a toda a comunidade educativa por este gran traballo!!

Vídeo das Letras Galegas

  Seguimos recollendo os froitos de todo o traballo que fixeron as nenas e nenos do cole para celebrar as Letras Galegas.

  Hoxe queremos que vexades o vídeo tan chulo que preparou Irene Blanco de 5º B de Educación Primaria.

  Parabéns Irene!!

   

Recital de 1º Primaria (3ª parte)

  Terceira e derradeira parte do recital do alumnado de 1º de Primaria.

  Andrea Álvarez é a encargada de comezar o recital de hoxe.

Diego González 

Roi Pagan

Gabriel Ferreiro

 
Sabela Lagares

E rematamos este recital das Letras Galegas con Daniela Fernández

Recital de 1º Primaria (2ª parte)

  Imos coa segunda entrega do recital do alumnado de 1º de Primaria.

  O primeiro do día é Antón Guerrero
 

 
  Carla González

Nadia Atalaya

Fernando Bregua

Sara Talhi

 E rematamos con Emma Clavijo

Recital poético de 1º Primaria

Nesta entrada seguimos co recital que comezou Julia o venres pasado.

O alumnado do 1º curso de Educación Primaria quixo festexar o Día das Letras Galegas con este recital de poemas de Manuel María.

Hoxe comeza Álex Rodríguez

 
Antón Pereira

 
  Lucía Pousa 

  
  Diego Cabado 

  
  E para rematar por hoxe, recita Ezequiel Castreje

 

Traballos das Letras Galegas

  Esta semana iremos publicando os traballos feitos polo alumnado para celebrar o Día das Letras Galegas.

  Recibimos moitos traballos polo que queremos felicitar ás familias pola súa participación.

  Imos comezar polos debuxos, portadas, marcapáxinas, ....  feitos polas nenas e nenos de Infantil e Primaria.

  Fixemos este álbum de fotos que podedes ver premendo na imaxe.

DÍA DAS LETRAS GALEGAS 2.020

 O vindeiro domingo, 17 de maio, celebramos o DÍA DAS LETRAS GALEGAS.

 Este ano adícase á figura de Ricardo Carvalho Calero.

 Durante este curso escolar, toda a comunidade educativa participou nas actividades e iniciativas propostas dende o Equipo de Dinamización da Lingua Galega.

 Para celebralo montamos este vídeo onde podedes ver un pequeno resumo desta marabillosa participación!!

 Moitas grazas pola vosa colaboración!!

Recital poético para as Letras Galegas

  O alumnado de 1º de Educación Primaria animouse a recitar poemas de Manuel María para celebrar o Día das Letras Galegas.

  Estamos recibindo moitos traballos que publicaremos para a semana vindeira. Seguide o blog!

  Como adianto mirade que ben o fai Julia Oroza.

 

Os Bolechas

  Os Bolechas queren achegarnos ao persoeiro a quen se lle dedica este ano o Días das Letras Galegas.

  A editorial Bolanda, coa colaboración da Secretaría Xeral de Política Lingüística, pon a nosa disposición o novo volume da colección As miñas primeiras Letras Galegas dedicado a Ricardo Carvalho Calero.

  Premede na imaxe e podedes descargar o libro en formato PDF.

Música para as Letras Galegas

  A profesora e artista Carmen Pérez Fernández, do IES María Soliño de Cangas do Morrazo,
compuxo estas cancións con poemas de Carvalho Calero.

  A primeira chámase DEUS, unha composición inédita e feita para estas Letras Galegas 2.020.

 
E a segunda canción é TEÑO UNHA DOR (disco "Sons de Nós", 2.015). 

As pitas baixo a choiva

Desde a Coordenadora de Equipas de Normalización Lingüística de Ferrolterra queren compartir con toda a comunidade educativa do noso cole un fermoso proxecto.

Este traballo está pensado para o alumnado desde os 3 ata os 12 anos e relacionado co persoeiro das Letras Galegas 2.020, Ricardo Carvalho Calero.

O proxecto chámase As pitas baixo a choiva e premendo na imaxe podedes acceder ao conto, á música e á unidade didáctica.

Outro xogo de pistas!!

  Seguimos investigando sobre Carvalho Calero.


  As mestras Alba Carril do CPI de Vedra e Ana Sánchez do CEIP Arquitecto Casas Novoa

 elaboraron este "Escape Room" para festexar o Día das Letras Galegas deste ano.


   Este magnífico xogo vainos ensinar moito sobre Ricardo Carvalho Calero.


   A disfrutar toda a familia! 

A xogar con Carvalho Calero!

  Hoxe queremos que xoguedes e tamén investiguedes...

  A mestra Alba Carril do CPI de Vedra, quixo facernos un agasallo polas Letras Galegas e creou este xogo tan chulo.

  Premede na imaxe e adiante!

  Para comezar o xogo tendes que premer no altofalante.

Preguntoiro Musical sobre Carvalho Calero

  Seguimos coas Letras Galegas.

  Imos cun xogo - canción feita neste tempo de confinamento para seguir coñecendo a vida e obra de Ricardo Carvalho Calero.

  Premede na imaxe e a cantar!!

  

Ricardo Carvalho Calero

  Queremos presentarvos ao autor homenaxeado nas Letras Galegas 2.020.

  O alumnado do Colexio San Pío X de Ourense fixo un gran traballo sobre este autor.

  Trátase dun vídeo narrado coas súas propias voces e que conta a vida e obra de Ricardo Carvalho Calero.

 

Letras Galegas 2020!

  Xa estamos en maio!

  Como xa sabedes, o 17 de maio celebramos o Día das Letras Galegas.

  Este ano o autor homenaxeado é  Ricardo Carvalho Calero.

  Este mes iremos subindo ao blog materiais sobre as Letras Galegas.

  O primeiro que queremos amosarvos é o cartel que fixeron no Seminario Galán.

  Se premedes no cartel ides a súa web e alí tendes os materiais que elaboraron este ano para o Día das Letras Galegas.

  

 

#EUQUEDONACASA: Visita Virtual ao Museo Centro Gaiás

  Na Cidade da Cultura temos o Museo Centro Gaiás, chamado a ser un referente arquitectónico do século XXI.

  Na actualidade pódese ver alí a exposicion "Galicia, un relato no mundo". A exposición permite descubrir abraiantes conexións de Galicia co resto do mundo, así como os segredos que rodean xoias como a Biblia Kennicott, a Santa de Asorey ou o Guerreiro de Lesenho.

  Preparadas e preparados para facer unha visita virtual?

   Premede na imaxe e imos aló!