#EUQUEDONACASA: Visita Virtual ao Museo Centro Gaiás

  Na Cidade da Cultura temos o Museo Centro Gaiás, chamado a ser un referente arquitectónico do século XXI.

  Na actualidade pódese ver alí a exposicion "Galicia, un relato no mundo". A exposición permite descubrir abraiantes conexións de Galicia co resto do mundo, así como os segredos que rodean xoias como a Biblia Kennicott, a Santa de Asorey ou o Guerreiro de Lesenho.

  Preparadas e preparados para facer unha visita virtual?

   Premede na imaxe e imos aló!


 

#EUQUEDONACASA: Aventuras no monte das artes

  Presentámosvos unha habitante moi especial do monte Gaiás: a raposa Fedella.

  A raposa Fedella non para de argallar pescudas e retos ao redor do seu tema favorito da Cidade da Cultura: o Museo Gaiás.

  Credes que sodes capaces de resolvelos? Adiante!

  Premede na imaxe e a pescudar.
 
 

#EUQUEDONACASA: Monicreques!

  Gústanvos os monicreques?

  A Xanela do Maxín preséntanos este marabilloso espectáculo sobre a obra da famosa toupiña que quería saber quen lle fixera aquilo na cabeza.

  Unha obra simpática que provoca gargalladas e fai que os espectadores se divirtan coa toupiña.

  Premede na imaxe que xa comeza!!


 

#EUQUEDONACASA: Radio Picariña

  Queredes bailar con boa música, pois Radio Picariña acaba de engadir cen novas cancións para a rapazada.

  Con estas novas pezas, xa podes escoitar máis dun milleiro de cancións de música infantil e xuvenil na rede.

  Recordade que no blog temos un enlace directo na columna da dereita.

  Premendo na imaxe abrides a canle e a bailar!!

#EUQUEDONACASA: Hoxe é o Día do Libro!

  Un pouco de música para celebrar o Día do Libro?

  Mirade que canción do gran Paco Nogueiras para este día.

  Premede na imaxe e a cantar!!

 

#EUQUEDONACASA: Día do Libro

  O 23 de abril é o Día do Libro. Para celebralo imos propoñervos que elixades un dos libros que a editorial Baía Edicións pon a vosa disposición na súa campaña "Con vós na casa".

  Tendes lecturas para tódalas idades!

  Premede na imaxe para escoller o libro que prefirades.

#EUQUEDONACASA: Receitas de cociña!!

Porque non todo vai ser traballar e facer deberes e tarefas...... Temos que probar e practicar outras actividades, así que aquí deixamos estas receitas moi sinxelas para que vos convertades en auténticos chefs!!

 

#EUQUEDONACASA: Xogos en Rede!!

Ola nenos e nenas!! Como estades?

Deixamos aquí esta páxina de xogos  para que pasedes un bo rato na casa:

#EUQUEDONACASA: OQO Filmes

  Hoxe queremos presentarvos os contos da Editorial OQO.

  Esta editorial ten unha canle en youtube cos vídeos dalgúns dos seus contos.

  Premede na imaxe e a gozar!


 

#EUQUEDONACASA: Contos contados

  Queredes que vos conten uns contos chulísimos?

  Pois premendo na imaxe ides atopar moitos contos contados por persoas relacionadas coa literarura e a educación.

  A editorial Kalandraka creou o canal Kalandraka TV para que todas e todos vexamos estes contos contados.

 

#EUQUEDONACASA: Xabarín Club !!

  Somos do clube da galega

  por fuciños, por cacheiras

  somos do clube da galega

  OINK, OINK! 

  Para estes días nada mellor que o Xabarín Club.

  Premendo na imaxe entrades na súa web, onde tendes cancións, series, curtas, xogos, ... 

 

         

#EUQUEDONACASA: Recursos para entreterse

  Queremos presentarvos unha nova web...

  Aulas Galegas, un portal educativo no que un grupo de docentes pon á disposición de toda a comunidade escolar recursos didácticos e de lecer da maioría das materias curriculares, todos en galego.

  Podedes consultalos premendo na imaxe: