A Plataforma Veciñal do Barrio das Flores organiza o 9 de maio a Festa dos Maios no barrio.
Nesa data haberá unha xornada familiar con música e diversas actividades relacionadas con esta tradición galega.
A asociación convida a toda a comunidade educativa a participar na elaboración dos maios o sábado pola tarde. O alumnado do noso cole está elaborando flores para esa data.
Vémonos o sábado na Festa dos Maios!!
Outra das actividades programadas para as Letras Galegas son os Contos Compartidos.
Propoñemos ás familias que participen desta actividade creando un pequeno relato en galego e a bolígrafo coas súas fillas e fillos. A extensión sería dunha "carilla". Recordade que este ano o Día das Letras Galegas adícase a Begoña Caamaño polo que estaría moi ben que unha personaxe do conto se chamase como a autora homenaxeada.
O conto asinarase soamente co nome da alumna ou alumno (sen apelidos nin curso) e o parentesco coa persoa que fixo o relato. Por exemplo: "Pepa e a súa avoa".
Todos os contos serán compartidos con todo o alumnado e familias do centro, xa que faremos copias para que haxa contos para todos.
A data límite para que o alumnado entregue o conto na súa titoría será o luns 11 de maio.
Deixamos un modelo para que vexades como podemos presentar o conto.
Unha das actividaedes que imos facer para celebrar o Día das Letras Galegas é o Concurso de chistes.
O alumnado vai preparar os seus mellores chistes para contar nas aulas e subir ao blog.
Xa estamos en maio!
Como xa sabedes, o 17 de maio celebramos o Día das Letras Galegas.
Este ano adícanse as Letras Galegas a Begoña Caamaño.
Este mes iremos subindo ao blog materiais sobre as Letras Galegas.
O primeiro que queremos amosarvos é o cartel que fixeron no Seminario
Galán.
Se premedes no cartel ides a súa web e alí atoparedes os materiais que
elaboraron este ano para o Día das Letras Galegas.
Temos as portas das aulas do cole decoradas coa temático de Xogolandia.
Que xogo preferides?
Este ano 2026 será o Ano Otero Pedrayo.
O Parlamento de Galicia aprobou unha declaración institucional pola que dedicará o ano 2026 á figura do escritor, ensaísta, xeógrafo, político e profesor ourensán con motivo do seu 50º cabodano e do centenario da publicación da Guía de Galicia, unha das súas grandes obras.
Para esta celebración varios centros de ensino coruñeses e ourensáns elaboramos uns recursos que poñemos á vosa disposición.
Picando na imaxe teredes unhas actividades interactivas en formato genially sobre Otero Pedrayo.
Hoxe celebramos o Día Internacional da Muller.
Para celebralo, queremos compartir o traballo feito polo alumnado do cole.
Realizaron un mural sobre mulleres deportistas que alcanzaron grandes logros nas súas especialidades.
Seguindo a actividade iniciada no curso pasado, o alumnado de 5º de Primaria recibío o segundo envío de cartas do alumnado do CEIP Novo Mesoiro.
Xa estamos preparando as cartas de resposta dende o noso cole.
Pois aquí temos o podcast feito polo alumnado de 6º de Primaria sobre as actividades feitas na Semana de Rosalía de Castro.
Non queremos deixar rematar esta semana adicada a Rosalía de Castro sen presentarvos o noso novo mural.
A que quedou chulísimo?
Todo o alumnado participou esta semana na busca de pistas sobre Rosalía de Castro por todo o colexio.
Descubriron novas curiosidades sobre a poetisa e traballaron en equipo.
Hoxe 23 de febreiro celebramos o Día de Rosalía.
Relacionado co proxecto deste ano (Xogolandia), o alumnado participará nun xogo de pistas que estarán agochadas polo noso cole. En cada unha atoparán unha curiosidade de Rosalía elaboradas polo alumnado de 6º de Primaria. As pistas rematarán na biblioteca onde todos os cursos recibirán un agasallo por rematar as pistas.
Hoxe celebramos o noso Entroido.
Nesta presentación temos un resumo desta xornada.
Xa temos na entrado do colexio ao noso Meco cos seus Mandadiños para esta semana.
No CEIP María Pita xa estamos argallando o noso Entroido.
A temática deste curso é o xogo, polo que toda a comunidade educativa está preparando disfraces relacionados coa temática.
Na semana do 9 ao 13 de febreiro teremos que seguir as ordes do noso Meco.
Son o rei do Entroido
Meco danme en chamar
se ben o queres pasar
este Mandadiño tes que realizar
O Equipo de Biblioteca preparou un obradoiro de máscaras para este Entroido.
