Poema de 4º de Primaria

  Tócalle ao alumnado de 4º de Primaria.

  Para o Día de Rosalía elexiron o poema "Cantarte hei, Galicia".

  Listos ... xa!!

 

Poemas de Rosalía en 2º e 3º de Primaria

   O alumnado de 2º e 3º de Primaria recitaron poemas de Rosalía nas súas aulas. Pasamos por elas para que vexades que ben o fan.

  En 2º elexiron os poemas de "Vente, rapasa", "Alborada" e "Has de cantar".

 

 

  En 3º recitaron "Campanas de Bastabales" e "Un repoludo gaiteiro" 

 

 

En Infantil teñen un galiñeiro!

  O alumnado de Educación Infantil tamén quixo homenaxear a Rosalía bailando o seu poema da galiña.

  Mirade que ben o pasaron o Día de Rosalía!

 

24 de febreiro: Día de Rosalía de Castro

   Un 24 de febreiro chegou a Galicia unha muller que rompería con moitas barreiras. Dende a súa Compostela natal ata o Padrón que a viu crecer defendeu a lingua e os dereitos de moitos e de moitas. Dende a súa morte, este día adícase a recordar a súa memoria e a súa obra. 

  Esta semana o noso alumnado realiza actividades sobre a vida e obra de Rosalía e imos mostrarvos algunhas delas.

  Para celebrar este 24 de febreiro nada mellor que bailar!! 

  O alumnado de 1º de Primaria quixo facer da súa clase un galiñeiro que lembra un dos poemas de Rosalía en Cantares Gallegos: 

        Isca de aí,

        galiña maldita,

        isca de aí,

        non me mátela pita.

        Isca de aí,

        galiña ladrona,

        isca de aí,

        pra cas túa dona. 

 

 

 

Descubrindo a Rosalía de Castro

  Para descubrir a Rosalía que mellor xeito que facelo xogando.

  Aquí vos deixamos unhas actividades sinxelas para Infantil e Primaria que elaboraron compañeiras e compañeiros doutros centros. Noraboa a elas e eles polo gran traballo. 

 

Semana de Rosalía de Castro

  O mércores 24 de febreiro celebramos o Día de Rosalía de Castro.

  Pero no cole pensamos que Rosalía de Castro ben merece que lle dediquemos toda a semana!

  Para empezar a semana, premede na imaxe e mirade a historia que nos contan os bolechas sobre Rosalía: 

 

Fotos do Entroido

  Preparamos estas presentacións para que vexades que gran día de Entroido pasamos no cole.

  Empezamos polas fotos de Educación Infantil: 

  E estas son as fotos de Educación Primaria:

Fotos dos corredores

 Os corredores do cole xa están decorados para o Entroido!!

Comezamos o Entroido

    Así é como nos recibe a nosa Meca na entrada do colexio:

 

Entroido 2021

    No CEIP María Pita xa estamos argallando o noso Entroido.

   A temática deste curso son as Froitas e Hortalizas, polo que toda a comunidade educativa está preparando disfraces relacionados coa temática.
 
   Na semana do 8 ao 12 de febreiro teremos que seguir as ordes da nosa Meca.

Son o raíña do Entroido

Meca danme en chamar

se ben o queres pasar

este Mandadiño tes que realizar