Para conmemorar este día o alumando preparou unha exposición sobre "MULLERES ANÓNIMAS DA CORUÑA".
Consiste nunha investigación sobre colectivos de mulleres que contribuíron principalmente nos séculos XIX e XX non só ao mantemento económico da familia senón tamén ao levantamento socioeconómico e cultural da cidade da Coruña. Mulleres anónimas que formaban parte de colectivos cuxa contribución quedou esquecida na historia da cidade.
Hoxe celebramos o noso Entroido.
Nesta presentación temos un resumo desta xornada.
Xa temos na entrado do colexio ao noso Meco cos seus Mandadiños para esta semana.
Este ano para a celebracion do Día de Rosalía, non tiñamos bastante cun día polo que empregamos toda unha semana!!
Comezamos argallando un mural colaborativo onde todo o centro participase. Enmarcado no PDI de #explorACoruña quixemos investigar sobre cantas "Rosalías" había na nosa cidade. Descubrimos un museo, unha rúa, un cole, unha estatua...pero abarcamos máis e saímos da nosa cidade atopando aeroportos, avións...e ata estrelas!!
No CEIP María Pita xa estamos argallando o noso Entroido.
A temática deste curso é a cidade da Coruña, polo que toda a comunidade educativa está preparando disfraces relacionados coa temática.
Na semana do 24 ao 28 de febreiro teremos que seguir as ordes do noso Meco.
Son o rei do Entroido
Meco danme en chamar
se ben o queres pasar
este Mandadiño tes que realizar
Hoxe o alumnado de 5º de Primaria gozou dun concerto didáctico de música tradicional galega.
O concerto realizouno o Grupo de Música Tradicional, organizado polo Centro Coreográfico Galego, adscrito á Agadic (Axencia Galega das Industrias Culturais) e pertencente á Consellería de Cultura e Turismo de Galicia.
Os músicos tocaron unhas pezas e tamén nos presentaron os distintos instrumentos que soaron.
Esta semana, dentro das actividades do Magosto, o alumnado de 5º de Primaria gozou dun concerto didáctico de música tradicional galega.
O concerto realizouno o Grupo de Música Tradicional, organizado polo Centro Coreográfico Galego, adscrito á Agadic (Axencia Galega das Industrias Culturais) e pertencente á Consellería de Cultura e Turismo de Galicia.
Os músicos tocaron unhas pezas e tamén nos presentaron os distintos instrumentos que soaron.
